Басты бет » Басты жаңалықтар » Нидерланды Корольдігі елшісін қабылдады

Нидерланды Корольдігі елшісін қабылдады

Облыс  әкімі Оңдасын Оразалин Нидерланды Корольдігінің Қазақстан  Республикасындағы  Төтенше және Өкілетті Елшісі  Дирк Ян Коп мырзаны    қабылдады. Екі  жақты  кездесу  барысында  облыс басшысы  келген қонаққа  Ақтөбе өңірінің  экономикасы  туралы айтып  берді.  Сондай-ақ, ауыл шаруашылығы,  цифрландыру жүйесі, жасыл экономикалық аймаққа айналдыруға қатысты  инвестициялық  жобаларды  күтетінін  айтты. Жаңа  жобаларға  қатысты   өзге мемлекеттерден де көптеген  ұсыныстар  түсуде. Облыс  әкімі  инвестициялық  ұсыныстардың   барлығына да орын табылатынын,  әзірге нақты  шешім  қабылданбағанын  атап өтті.

Оңдасын Оразалин  Елбасының  тапсырмасына  сай, еңбек өнімділігін арттыру  басты мақсат екенін  және  осыған байланысты барлық  салада   ұсыныстарды,  жаңа технологияларды қолдауға мүдделілігін  жеткізді. Ақтөбе  жан-жақты  логистикалық  дамуға  қолайлы аймақ.  Сондықтан да,  Шығыс  пен Батысты  байланыстыруға толық   мүмкіндіктің  жететіні айтылды.

Өз кезегінде, Елші  Дирк Ян Коп мырза  алдымен  облыс басшысын  жаңа қызметімен  құттықтап,  шақырту  алғанына  алғыс білдірді.  Дирк Ян Коп  Нидерланды мен Қазақстан  арасында  түрлі  салада  бірлесіп  жұмыс жасап  келе жатқандығын  айтып өтті. Нидерланды — тамақ өнімдерін  өндіруде  АҚШ мемлекетінен кейінгі екінші  орында тұрған ел.  Қазақстанмен  ауыл шаруашылығы саласында  жұмыс жасауда тығыз қарым-қатынас  орнағанын  да  тілге тиек етті.

Облыс әкімі Оңдасын Оразалин елшіге Ақтөбедегі  құс еті өнімдерін өндіретін   ірі  жобалардың  барын  және  олардың санын  арттыру қажеттігін  жеткізді. Сондай-ақ,  облыстағы  өзекті  мәселенің бірі  жасыл энергетика, жасыл  аймақ мәселесін  дамыту керектігін  айтты. Заман талабына сай  жаңа   технологияларды пайдалана отырып,  қазіргі  жүргізіліп жатқан  жұмысты одан  әрі   дамыту  қажеттігіне тоқталды. Сонымен қатар, «Цифрлық Қазақстан»  жобасын  жүзеге  асыру мақсатында     «Смарт Сити»  сынды жобаларға  қатысты инвестициялық  ұсыныстарды күтетінін  алға тартты.

Облыс басшысы  О.Оразалин Нидерланды Корольдігінің   Қазақстан  Республикасындағы  Төтенше және Өкілетті Елшісі Дирк Ян Копқа  «Бұл Ақтөбеге жасаған алғашқы сапарыңыз  біздің өңірдің дамуына  ықпал етеді  деп сенемін.  Біздің  мақсатымыз  — инвестиция  көлемін арттыру, ауыл шаруашылығы саласын дамыту,   алдағы  уақытта біріге  тығыз  жұмыс жасаймыз  деген ойдамын»  деп сөзін қорытындылады.

Облыс әкімінің баспасөз қызметі.

Пікір жазу

Your email address will not be published. Толтырылуы міндетті жерлер белгіленген *

*