Басты бет » Спорт » Ақтөбелік спортшылар Джакартаға аттанды

Ақтөбелік спортшылар Джакартаға аттанды

6-13 қазан аралығында Индонезияның Джакарта қаласында ІІІ Паралимпиадалық Азия ойындары өтеді.

Облыстық дене шынықтыру және спорт басқармасының баспасөз қызметінен

хабарлағандай, бұл жарыста 3 ақтөбелік спортшы ел намысын қорғайды. Атап айтсақ,  жеңіл атлетикадан — Қаржаубай Тінеев 200 м және 400 м қашықтықтарда, ал Жәния Аяубаева ядро, найза және граната лақтырудан өнер көрсетеді. Сонымен қатар, жүзуден Шахан Жолдасбаев шалқалап жүзу әдісі бойынша 50 м, 100 м, 200 м қашықтықтарда сынға түседі.

ІІІ Паралимпиадалық Азиадаға 43 мемлекеттен 3,5 мыңнан астам спортшы қатысады деп жоспарланып отыр. ҚР ұлттық құрамасы сапында 91 спортшы бар. Олар Ойындар бағдарламасындағы 9 спорт түрі бойынша (үстел теннисі, пара дзюдо, жүзу, көздеп ату,  пара пауэрлифтинг, садақпен ату, шахмат, пара жеңіл атлетика, отырып волейбол ойнау) жарыстарға қатысады.

 

Өз тілшіміз.

 

 

 

Пікір жазу

Your email address will not be published. Толтырылуы міндетті жерлер белгіленген *

*