Басты бет » Жаңалықтар » Құжаттар зерделенуі керек

Құжаттар зерделенуі керек

Әдеп жөніндегі кеңес

ҚР Мемлекеттік қызмет істері және сыйбайлас жемқорлыққа қарсы іс-қимыл агенттігінің Ақтөбе облысындағы Әдеп жөніндегі кеңесінің кезектен тыс отырысында Алға ауданы әкімдігінің бөлім басшыларына  қатысты қозғалған тәртіптік істер қаралды.

Аудан әкімі аппаратының мемлекеттік-құқықтық және қаржылық жұмыстар бөлімінің басшысы Бауыржан Досымов және жер қатынастары бөлімінің басшысы Ескендір Бекіш мемлекеттік қызметке кір келтіргені үшін жазаланды.

Қызметтік тексеру барысында конкурстық рәсімдердің бұзылғаны анықталды. Жоғары лауазымға тағайындалған мемлекеттік қызметші белгіленген талаптарға сәйкес болмай шықты. Құжаттарда үміткердің қызметтік тізімі мен хабарландырудың мәтіні болмаған. Бұған қарамастан, конкурстық комиссияның төрағасы мен мүшелері болған аталған шенеуніктер үміткердің құжаттарын зерделемей, қаттамаға қол қойған.

Әдеп жөніндегі кеңес мемлекеттік қызметшілерге де қызметіне толық сәйкес еместігі туралы ескерту түрінде тәртіптік жаза берді.

 Аманқос ОРЫНҒАЛИҰЛЫ.

Пікір жазу

Your email address will not be published. Толтырылуы міндетті жерлер белгіленген *

*