Басты бет » Жаңалықтар » Чемпиондарға сый жасалды

Чемпиондарға сый жасалды

Облыстағы жекпе-жек спортының федерациялары өткен жылды қорытындылап, биылға құрған жоспарларымен бөлісті. Сондай-ақ, чемпион атанған бірнеше спортшыларға құрмет көрсетілді.

Есептік баспасөз жиынына облыстық спорт басқармасының қызметкерлері, қоян-қолтық ұрыс, панкратион, грепплинг, джиу-джитсу, жекпе-жек, ММА бойынша облыстық федерациялардың басшылары, сондай-ақ, аталған спорт түрлерінен жеңіске жеткен чемпиондар қатысты.

— Біз үшін өткен жыл өте табысты болды. Түрлі деңгейдегі жарыстарда жерлестеріміз жүлделі орындарды алып келді. Сонымен қатар, Ақтөбеде жастар арасында Қазақстан Кубогына арналған сайыс өтіп, командалардың арасынан I орынды еншіледік. Әлем, Азия чемпиондары атанған ақтөбелік жігіттер бар. Олардың арасынан Жұбаныш Бағдат, Мирас Ұлықпанов,  Ринат Әбілқайыров, Амандық Әбілдиев, Дәурен Ермековтерді ерекше  атап өткім келеді.

Осы жылғы жоспарымыз  — ел біріншілігінде Ақтөбенің намысын қолдан бермей, жақсы нәтижеге қол жеткізу. Артынша әлем чемпионатына қатысу, — деді облыстық жекпе-жек ұлттық спорт федерациясының президенті Әліби Сарин.

Жалпы, былтыр жекпе-жек спортшылары үшін нәтижелі өтті. Айталық, аралас жекпе-жек бойынша Қазақстан құрамасының тең жартысын жерлестеріміз құраған. Бұл, сөзсіз, айтуға тұрарлық көрсеткіш.

Сонымен қатар, басқосу соңында облыстық жекпе-жек сайысы федерациясының президенті Талғат Құтлыбаев жоғары нәтиже көрсетіп жүрген спортшыларға алғысын білдіріп, сый-сияпаттар жасады. Атап айтсақ, жекпе-жек сайысының ҚР чемпиондары Гүлбану Шоқпарова мен Меруерт Ткебаеваға фитнес клубқа жылдық абонемент берілсе, Айдын Төлепбаев, Дмитрий Пилипенко, Сергей Сидоровқа ақшалай сыйлықтар тарту етілді.

 Айбек СЕРІКҰЛЫ.

 

 

 

 

Пікір жазу

Your email address will not be published. Толтырылуы міндетті жерлер белгіленген *

*